Elordada 19 aıyppuly bar júrgizýshi ustaldy
NUR-SULTAN. QazAqparat – Elordada jol júrisi erejesin birneshe márte buzǵany úshin shamamen 500 myń teńge aıyppuly bar júrgizýshi ustaldy, dep habarlaıdy QazAqparat tilshisi.
Nur-Sultan qalalyq polıtsııa departametiniń málimetinshe, elorda aýmaǵynda jol-kólik oqıǵalaryn tómendetý, jol júrisi erejesi buzylýynyń aldyn alý maqsatynda is-sharalar júrgizilip jatyr. Atalǵan is-shara aıasynda patýrldik polıtsııanyń mamandandyrylǵan batalony qyzmetkerleri jol júrisi erejesin 19 ret buzǵany úshin salynǵan shamamen 500 myń teńge aıyppuly bar reselik nómirli «VAZ» markaly kólikti toqtatqan.
«Kólikti toqtatqannan keıin 30 jastaǵy júrgizýshide avtomobıldiń mindetti saqtandyrýy joq ekendigi anyqtaldy. Azamattyń ústinen QR Ákimshilik quqyq buzýshylyq týraly kodestiń 230-babymen ákimshilik is qozǵalyp, aıyppul saldy. Sonymen qatar ákimshilik quqyq buzýshylyqtar boıynsha bereshegi bar ekendigi týraly 19 eskertý jazyp berildi. Avtomobıl kommýnaldyq turaqqa qoıyldy», - dedi departamentten.
Osy rette Nur-Sultan qalalyq polıtsııa departamenti júrgizýshilerge Qazaqstan Respýblıkasynyń mindetti saqtandyrý týraly zańnamasyn buzǵany úshin jaýapkershilik bar ekendigin eskertedi. Kóligin mindetti saqtandyrýdan ótkizbegenderge 10-nan 160 AEK-ke deıin aıyppul salynady.
