Elordada 186 000 teńgeniń kontrafaktilik ónimderi tárkilendi
ASTANA. 25 qańtar. QazAqparat - Elordada 186 000 teńgeniń kontrafaktilik ónimderi tárkilendi. Bul týraly Astana qalasynyń Ádilet departamentiniń baspasóz qyzmetinen habarlandy.
Astana qalasynyń Ádilet departamenti men qaladaǵy Saryarqa, Almaty aýdandary Іshki ister basqarmalary ÝPI-men birlesip, avtorlyq quqyq jáne sabaqtas quqyq týraly zańnamany saqtaý jóninde Astana qalasynyń aýmaǵynda kontrafaktili dybys-beıne jazý ónimderin zańsyz taratý boıynsha tekseris sharalaryn júrgizdi. Іs-shara barysynda qyzmetkerler kontrafaktili ónimdi zańsyz iske asyrýdyń 4 ornyn anyqtady. 186 000 teńgeniń 620 dana dybys-beıne jazý ónimi tárkilendi.
Tárkilengen ónim men ustalǵan adamdar qylmystyq is-júrgizý zańnamasynyń talaptaryna sáıkes is-júrgizý sheshimin qabyldaý úshin ishki ister organdaryna jetkizildi.
Eske salaıyq, atalǵan is-shara Dúnıejúzilik ekonomıkalyq forýmnyń jáne «Doing Business» Dúnıejúzilik bankiniń ǵalamdyq básekelestikke qabilettilik ındeksiniń «Zııatkerlik menshikti qorǵaý» kórsetkishin kóterý maqsatynda ótkizildi.
