Elordada 180 azamat elektrondyq úkimet qyzmetterin qoldanýdy úırendi

ASTANA. QazAqparat - Jyl basynan beri «Azamattarǵa arnalǵan úkimettiń» astanalyq fılıaly 180 turǵynǵa tsıfrlyq saýattylyq kýrstarynan ótkeni týraly sertıfıkat tabys etti, dep habarlaıdy QazAqparat vedomstvonyń baspasóz qyzmetine silteme jasap. 

Kýrs halyqqa qyzmet kórsetý ortalyǵynyń alańynda ótkiziledi. HQKO mamandary ázirlengen baǵdarlama boıynsha azamattarǵa ETsQ-ǵa ótinish berý, elektrondyq úkimet portalyn paıdalaný, óz betinshe anyqtamalar men qyzmetterdi alýdy úıretedi. 

Sonymen birge, kýrstan ótýshiler proaktıvti formatta memlekettik qyzmetterdi ala alatyndaı bolyp azamattardyń mobıldik bazasyna tirkeledi. Buǵan qosa, uıaly telefon nómirlerin tirkeý SMS-qupııasóz nemese telegram-bot arqyly belgili bir aqparattyq anyqtamalardy alýǵa múmkindik beredi. Sondaı-aq, SMS-rastaýdyń kómegimen azamat úshinshi tulǵalarǵa óziniń derekterin usyný boıynsha «Anyqtamasyz kórsetiletin qyzmet» servısin paıdalana alady.