Elordada 18 mamyrda ótetin mańyzdy sharalar ańdatpasy
NUR-SULTAN. QazAqparat - «QazAqparat» Halyqaralyq aqparat agenttigi 18 mamyr kúni Nur-Sultan qalasynda bolatyn mańyzdy sharalar ańdatpasyn usynady.
9.00-de Úkimet úıinde QR Úkimetiniń kezekti otyrysy ótedi. Kún tártibinde sanıtarııalyq-epıdemıologııalyq jaǵdaı men jylytý maýsymynyń qorytyndysy men kelesi jylytý maýsymyna daıyndyq qaralady. Otyrystyń tikeleı taratylymy PrimeMinister.kz saıtynan, YouTube resmı arnasynan jáne áleýmettik jelilerdegi resmı paraqshalardan kórsetiledi.
10.00-de Májilistiń áleýmettik-mádenı damý jónindegi komıteti «Buqaralyq jáne balalar sportyn damytý – salaýatty ultty qalyptastyrýdyń negizi» atty keńeıtilgen otyrys ótkizedi. Otyrys www.parlam.kz saıty men YouTube jelisindegi resmı paraqshada kórsetiledi.
12.30-da QR Prezıdenti janyndaǵy Ortalyq kommýnıkatsııalar qyzmetinde «EAEO jáne Qazaqstan: ıntegratsııanyń aǵymdaǵy protsesteri» baspasóz máslıhaty ótedi. Spıkerler: Saýda jáne ıntegratsııa vıtse-mınıstri Janel Kýshýkova, Qarjy vıtse-mınıstri Marat Sultanǵazıev, Indýstrııa jáne ınfraqurylymdy damytý vıtse-mınıstri Dınara Şeglova jáne Aýyl sharýashylyǵy vıtse-mınıstri Rýslan Manataev. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz.
15.00-de Nur-Sultan qalasy ákimdiginiń baspasóz ortalyǵynda «Sýǵa shomylý kezeńi» taqyrybynda onlaın brıfıng ótedi. Spıker: Nur-Sultan qalasy TJD basshysynyń orynbasary Esen Baıyrov. Onlaın brıfıng Nur-Sultan qalasy ákimdiginiń Facebook-tegi resmı paraqshasynda https://www.facebook.com/nursultanakimat/ tikeleı efırde ótedi.
15.00-de «Halyq medıa toby» alańynda «Bókeıorda» memlekettik tabıǵı rezervatyn qurýǵa arnalǵan keńes ótedi. Jıynǵa QR Parlamenti Májilisiniń Ekologııa máseleleri jáne tabıǵat paıdalaný komıtetine múshe depýtattar, Ekologııa, geologııa jáne tabıǵı resýrstar vıtse-mınıstri, ıÝNESKO-nyń «Adam jáne bıosfera» baǵdarlamasy boıynsha qazaqstandyq jáne reseılik Ulttyq komıtetterdiń basshylary, sondaı-aq ǵylymı sarapshylar, Qazaqstandaǵy BUU DB jáne basqa da qoǵamdyq uıymdardyń ókilderi qatysady. Májilis Zoom-konferentsııa rejıminde uıymdastyrylady.
