Elordada 175 bala ınklıýzıvtik bilimmen qamtyldy
ASTANA. QazAqparat - Elordada túrli bilim mekemelerinde ınklıýzıvtik bilim berý qyzmetteri usynylady. Qalada 13 mektepke deıingi bilim berý mekemesinde túrli kemshilikteri bar mektepke deıingi jastaǵy balalarǵa arnalǵan korrektsııa jáne ınklıýzıvtik bilim berý kabınetteri ashyldy.
2014 jylǵy 1 maýsymnan bastap kózi kórmeıtin balalarǵa arnalǵan №23 korrektsııalyq balabaqshadaǵy top óziniń beıinin ózgertti, dep habarlaıdy elordanyń resmı saıtanan.
2014-2015 oqý jylynda 49 mektepte 175 bala ınklıýzıvtik bilimmen qamtyldy. Barlyq mektepterde kedergisiz bilim alý ortasy quryldy. Jumyspen qamtý jáne áleýmettik baǵdarlamalar basqarmasynyń qoldaýymen múgedekterge arnalǵan arbalardy kóteretin arnaıy quralmen jabdyqtalǵan áleýmettik taksı - ınvataksı máselesi sheshildi.
Tehnıkalyq jáne kásiptik bilim berý júıesi qurylys-tehnıkalyq kolledjde 15 múgedek balany shtýkatýr-malıar mamandyǵyna oqytý boıynsha eksperımentaldyq alań ashyldy. Qazaqstan tehnologııa jáne bıznes ýnıversıtetiniń kolledjinde múmkindigi shekteýli 25 jasóspirimge «Dızaıner» mamandyǵy boıynsha qashyqtyqtan oqytý uıymdastyryldy.
2014-2015 oqý jylynda ınklıýzıvtik bilim berýdi qoldaý maqsatynda:
- №63 orta mektepte tirek-qımyl apparaty buzylǵan balalarǵa arnalǵan ınklıýzıvtik synyptar ashyldy;
- Emotsıonaldyq-erikti sala jáne ınklıýzıvtik oqytý boıynsha tártibi buzylǵan balalarǵa arnalǵan №23 orta mektepte daıyndaý synyby;
- №74, 78 mektepterde ınklıýzıvtik synyptar ashyldy.
- Qazaqstan tehnologııa jáne bıznes ýnıversıtetiniń kolledjinde qazaq tilinde «Dızaın (profılderi boıynsha)», «Aqparattyq júıeler (qoldaný salalary boıynsha)», orys tilinde «Qonaq úı sharýashylyǵyn uıymdastyrý», «Tigin óndirisi jáne kıimdi modeldeý» mamandyqtary boıynshamúmkindigi shekteýli 40 jasóspirimdi kúndizgi oqytý uıymdastyryldy.
Óz betinshe júre almaıtyn balalar 20% jeńildikpen aqyly negizde qashyqtyqtan oqytylady. Olar «Qonaq úı sharýashylyǵyn uıymdastyrý», «Qarjy», «Ekonomıka» jáne «Aqparattyq júıeler» (qoldaný aıasy boıynsha) mamandyqtary boıynsha eki tilde bilim alady. Sonymen qatar, №71 orta mektepte kórý qabileti buzylǵan balalarǵa arnalǵan «№2 psıhologııalyq-pedagogıkalyq korrektsııa kabıneti» ashyldy.
