Elordada 16 jastaǵy qyz kópqabatty úıden sekirip, mert boldy

ASTANA. KAZINFORM – Jasóspirimniń ólimin elordanyń polıtsııa qyzmeti rastady.

Kýágerlerdiń aıtýynsha, oqıǵa Kenesary jáne Sh. Ýálıhanov kóshesiniń qıylysynda ornalasqan kópqabatty turǵyn úıde bolǵan. 

- Polıtsııa qyzmetkerleri atalǵan fakti boıynsha qylmystyq is qozǵady, - delingen qalalyq polıtsııanyń baspasóz qyzmeti taratqan aqparatta. 

Qazir oqıǵanyń mán-jaıy anyqtalyp jatyr. 

Eske sala ketsek, jaqynda elordada 19 jastaǵy jigit atylyp qalǵan edi. 

Sondaı-aq, týystaryn pyshaqtap tastaǵan Astana turǵyny týraly jazǵan bolatynbyz. 

Taıaýda ǵana astanalyq polıtseı jattyǵý zalynan shyqqannan keıin esinen tanyp, sol jerde qaıtys boldy.