Elordada 16-shy qabattan qulaǵan qurylysshy mert boldy

ASTANA. QazAqparat – Elordada 16-shy qabattan qulaǵan qurylysshy mert boldy, dep habarlaıdy QazAqparat tilshisi.

«Osy jyldyń 12 tamyzynda Astana qalalyq polıtsııa departamenti Almaty aýdandyq polıtsııa basqarmasynyń kezekshi bólimine qurylys nysanynda 16-shy qabattan adamnyń qulaǵany týraly habarlama kelip tústi. Oqıǵa ornyna polıtsııa qyzmetkerleri bardy. Qurylys jumystary barysynda jumysshynyń jeldetý shahtasyna qulaǵany anyqtaldy. Ol alǵan jaraqatynan oqıǵa ornynda mert boldy», - dep atap ótti qalalyq polıtsııa departamentinen.

Vedomstvo málimetinshe, atalǵan fakti boıynsha elimizdiń Qylmystyq kodeksiniń 277-babymen sotqa deıingi tergeý júrgizilip jatyr. Qajetti saraptamalar taǵaıyndalǵan.