Elordada 16 eıs jasaǵan qazaqstandyq tennısshi jartylaı fınalǵa ótti
NUR-SULTAN. QazAqparat - Qazaqstandyq Beıbit Jýkaev elordada ITF serııasy boıynsha ótip jatqan W25 týrnıriniń jartylaı fınalyna shyqty, dep habarlaıdy QazAqparat tilshisi.
Qazaqstan tennıs federatsııasynan málim etkenindeı, B.Jýkaev shırek fınalda japonııalyq Imaı Shıntaromen kezdesti.
Aqtaý tennıs mektebiniń túlegi tartysqa toly matchta 6:3, 4:6, 7:6 (7:5) esebimen jeńiske jetti.
Báseke 2 saǵat 40 mınýtqa sozyldy. Qazaqstandyq tennısshi 16 eıs jasap, 1 breıkke qol jetkizdi.
Beıbit Jýkaev fınalǵa shyǵý úshin úndistandyq Pradjnesh Gýnnesvaranmen talasady.
Taǵy bir qazaqstandyq Denıs Evseev juptyq synda fınalǵa ótti. Ol Belarýs ókili Ivan Lıýtarevıchpen birge japonııalyq Imaı Shıntaro - zımbabvelik Bendjamın Lıýkti jeńdi - 6:2, 6:3.
Qazaqstandyq-belorýssııalyq jup fınalda estonııalyqtar Danııl Glınka - Karl Saarmen bas júldeni sarapqa salady.
Eske sala keteıik, budan buryn Qazaqstan tarıhynda alǵash ret tórt tóreshiniń «Úlken dýlyǵa» týrnırine qazylyq etkenin jazǵan bolatynbyz.
Sondaı-aq ıÝlııa Pýtıntseva Býdapesht týrnıriniń jartylaı fınalyna shyqty.
