Elordada 150-den asa jas sportshy jeńil atletıkadan qalalyq chempıonat baq synady
ASTANA. KAZINFORM — Astanada Halyqaralyq balalardy qorǵaý kúnine oraı jeńil atletıkadan qalalyq chempıonat ótti, dep habarlaıdy elorda ákimdiginiń resmı saıty.
«Qazaqstan» jeńil atletıkalyq sport kesheninde Astana qalasy ákimdiginiń № 7 balalar men jasóspirimder sport mektebiniń 2013-2017 jyly týǵan 150-den astam jas sportshysy bas qosty.
Qatysýshylar ártúrli dıstsıplına boıynsha synǵa túsip, ózderiniń daıyndyǵyn, jeńiske degen umtylysyn kórsetti.
— Biz úshin balalardyń baqyty bárinen joǵary. Bul chempıonat — olardyń densaýlyǵy, qýanyshy men damýyna arnalǵan mereke. Balalardyń qamqorlyqta, súıispenshilik pen qaýipsiz ortada ósýi mańyzdy. Al sport olardyń myqty ári ózine senimdi bolyp qalyptasýyna kómektesedi, — dedi jattyqtyrýshy Raıana Amangeldi.
Jarys sporttyq mereke, ádil báseke jáne erekshe kóńil kúıde ótti.
Buǵan deıin jeńil atletıkadan jasóspirimder arasyndaǵy Azııa chempıonatynda Qazaqstan alǵashqy medaline qol jetkizgenin jazdyq.
