Elordada 15 jasar bozbala qatty mas bolyp, aýrýhanaǵa tústi
NUR-SULTAN. QazAqparat – Jasóspirimder isi jónindegi polıtseıler jasóspirimderdi mas kúıde ustap aldy, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.
Jasóspirimder dúkennen bir bótelke araq satyp alyp, Saryarqa dańǵylynyń boıynda ishimdik ishken. Olardyń biri qatty mas bolyp, aýrýhanaǵa túsken.
15 jastaǵy jasóspirim 0,5 lıtr araq ishkennen keıin jaǵdaıy nasharlaǵan.
«Atalǵan fakti boıynsha ınspektorlar jasóspirimderdi tergep, olarmen profılaktıkalyq áńgimele júrgizdi. Olardyń zańdy ókilderine QR Ákimshilik quqyq buzý kodeksiniń 440-baby boıynsha 5 AEK kóleminde aıyppul salyndy. Tergeý barysynda olardyń spırttik ishimdikti birlesip ishý úshin dúkennen satyp alǵany belgili boldy», - dedi Nur-Sultan qalasy polıtsııa departamentinen.
Jasóspirimderge alkogoldik ishimdik satqan dúken ıesine qatysty QR Ákimshilik quqyq buzý kodeksiniń 200-baby boıynsha hattama toltyryldy.
Jınaqtalǵan materıal Nur-Sultan qalasy mamandandyrylǵan aýdanaralyq ákimshilik sotyna jiberildi.
