Elordada 15 myńnan asa jańa jumys orny ashyldy

NUR-SULTAN QazAqparat - «Jumyspen qamtýdyń 2020-2021 jyldarǵy jol kartasy» aıasynda elordada 15 253 jańa jumys ornyn qurý kózdelgen. Onyń jartysyna jumyssyzdardy ornalastyrý Halyqty jumyspen qamtý ortalyǵyna berilgen, dep habarlaıdy QazAqparat.

«2020 jyly elordada 151 ınfraqurylymdyq jobany iske asyrý josparlanǵan. Qazirgi tańda 148 obekti boıynsha jumystar júrgizilip jatyr. Bul baǵdarlama aıasynda ınjenerlik-kólik ınfraqurylymyn kúrdeli, ortasha jáne aǵymdaǵy jóndeý, qaıta jańartý jáne salý, kógaldandyrý boıynsha bos jumys oryndary usynylady. Olardyń aıasynda mektepter, aýrýhanalar turǵyn úıleri jóndelip, qurylysy júrgizilip jatyr»,- delingen Halyqty jumyspen qamtý ortalyǵynyń habarlamasynda.

Búgingi tańda «Jumyspen qamtýdyń jol kartasy» baǵdarlamasy boıynsha 14 myńǵa jýyq adam jumys tapty. Onyń 7 489-y jumyspen qamtý ortalyǵy arqyly jumysqa ornalasty.

«Jumyspen qamtýdyń jol kartasy» baǵdarlamasy - halyqty jumyspen qamtý máselelerin jedel sheshý maqsatynda ázirlengen. Ol qosymsha jumys oryndaryn qurý, áleýmettik, ınjenerlik-kóliktik ınfraqurylymdy jáne turǵyn úı-kommýnaldyq sharýashylyqty damytý, eldi mekenderdi abattandyrý boıynsha ınfraqurylymdyq jobalardy iske asyrý esebinen jumyssyz azamattar sanynyń ósýine jol bermeýge baǵyttalǵan sharalar keshenin qamtıdy.
Nur-Sultan qalasy ákimdiginiń «Halyqty jumyspen qamtý ortalyǵy» Beıbitshilik k-si-25, «Órken» ІO-da ornalasqan. «Jumyspen qamtýdyń jol kartasy» boıynsha málimet alý úshin 7(7172) 57 89 37, 8 777 116 82 73 nomerine habarlasa alady.

Sondaı-aq Jol kartasy boıynsha bos jumys oryndary týraly málimetter enbek.kz portalynda jarııalanady.