Elordada 15-20 paıyzǵa ortasha naryqtyq baǵadan tómen aýyl sharýashylyǵy ónimderiniń jármeńkesi ótedi
ASTANA. Maýsymnyń 21-i. QazAqparat - Elordada maýsymnyń 26-27-si jáne shildeniń 3-6-sy demalys kúnderi qalanyń úsh aýdanynda, Abylaı han dańǵyly boıynda, Esil aýdandyq halyqqa qyzmet kórsetý ortalyǵy jáne «Shapaǵat» bazary aýmaqtarynda óndirýshilerdiń baǵasymen aýyl sharýashylyǵy ónimderiniń jármeńkesi ótedi, dep habarlady qala ákimdiginiń baspasóz qyzmetinen.
Aýyl sharýashylyǵy taýarlary jármeńkesi barysynda qala turǵyndaryna jemis-jıdekter, et, shujyq, sút, nan, kondıterlik jáne makaron ónimderi, un, qant, jumyrtqa, ósimdik maıy syndy ónimder usynylady.
Baspasóz habarlamasynda satylatyn azyq-túliktiń baǵasy ortasha naryqtyq baǵadan 15-20 paıyzǵa tómen bolatyndyǵy atalyp ótilgen.
Jármeńkege Astananyń jáne Aqmola men Qaraǵandy oblystarynyń 60-tan astam taýar óndirýshileri qatysady. Aýyl sharýashylyǵy ónimderiniń jalpy kólemi 500 tonnaǵa jýyq.
Іs-shara elorda kúnin merekeleý aıasynda ótkiziledi jáne Astana ákimdigi Aqmola men Qaraǵandy oblystarynyń ákimdikterimen birlesip uıymdastyryp otyr.
