Elordada 146 bótelke antıseptık pen 8000 lıtr spırt qosylǵan suıyqtyq tárkilendi
NUR-SULTAN. QazAqparat - Elordada 146 bótelke antıseptıkalyq zat jáne 8000 lıtrden astam quramynda spırt bar suıyqtyq tárkilendi, dep habarlaıdy QazAqparat Qarjy monıtorıngi komıtetine silteme jasap.
23 naýryzda QR QM Qarjy monıtorıngi komıteti Nur-Sultan qalasy boıynsha ekonomıkalyq tergeý departamentiniń qyzmetkerleri shahardaǵy «Almaty» aýdanynyń polıtsııa basqarmasy jáne prokýratýrasymen birlese otyryp, eldegi tótenshe jaǵdaıda kólemi 5 lıtrlik 146 bótelke antıseptıkalyq zatty zańsyz satý faktisin anyqtady.
«Tekseris barysynda kólemi 1000 lıtrlik 10 dana aq tsısterna tárkilenip alyndy, onyń ishinde jalpy kólemi 8 210 lıtr bolatyn erekshe ıisi bar spırt qosylǵan tússiz suıyqtyq boldy. Joǵaryda atalǵan barlyq zattar Nur-Sultan qalasy ákimdiginiń densaýlyq saqtaý basqarmasyna tapsyryldy» delingen habarlamada.
Qazirgi tańda tergeý amaldary júrgizilýde.
