Elordada 145 medqyzmetker koronavırýske qarsy ekpe aldy
NUR-SULTAN. QazAqparat - Elordada 145 medıtsınalyq qyzmetker koronavıýrstyq ınfektsııaǵa qarsy vaktsınalandy. Bul týraly qalalyq Qoǵamdyq densaýlyq saqtaý basqarmasynan málim boldy, dep habarlaıdy QazAqparat.
Birinshi kezeńde ekpe alýshylardyń alǵashqylary bolyp qalalyq aýrýhanalardyń, qalanyń juqpaly aýrýlar ortalyǵynyń medıtsınalyq qyzmetkerleri, jedel járdem brıgadasynyń feldsherleri boldy.
Emhana brıgadysynyń feldsheri vaktsınatsııa týraly pikirimen bólisip, vaktsınatsııadan keıin ózin qalaı sezinetinin aıtty.
«Vaktsınatsııadan keıin eshbir jerim mazalaǵan joq, bastyń aınalýy nemese júrek aınýy baıqalǵan joq. Men ózimdi óte jaqsy sezinip turmyn. Ekpe saldyrtýdy sheshken sebebim, óıtkeni men patsıenttermen tyǵyz qarym-qatynasta jumys isteımin, túrli shaqyrtýlarǵa shyǵamyn», - dedi feldsher Ersultan Úsenuly.
Qaınar Farhaduly, Qalalyq №9 emhananyń súzgi-kabınetiniń dárigeri kúnine 250-ge deıin adam jedel respıratorlyq vırýstyq ınfektsııalar men sýyq tııý belgilerimen keletinin jáne olardy qabyldaıtynyn aıtty.
«Biraq test júrgizilgenge deıin, keıbireýlerinde koronavırýstyq ınfektsııa joq dep naqty aıtý múmkin emes. Vaktsınatsııa, eń aldymen, meni aýyryp qalýdan qorǵaıdy. Qazir vaktsınatsııadan keıin ózimdi jaqsy sezinemin», - deıdi dáriger.
Jalpy, elordada 6300 medıtsınalyq qyzmetker KVI ınfektsııasyna qarsy vaktsınatsııadan ótedi. Tizimder mamandardyń erikti kelisimi boıynsha jasalǵanyn atap ótemiz.
Esterińizge sala keteıik, vaktsınatsııa 2 kezeńmen júzege asyrylady, aldymen birinshi komponent 0,5 ml mólsherinde, sodan keıin ekinshi komponent sol dozada 0,5 ml (21 - 42 kúnnen keıin) salynady. 21 kúnnen keıin vaktsınatsııa alǵandardy ekinshi kezeńge shaqyrady.
