Elordada 1400-ge jýyq tehnıka joldardy qardan tazartýda
NUR-SULTAN. QazAqparat – Elorda joldaryn qardan tazartý jumystarymen 1 657 jumysshy aınalysýda, dep habarlaıdy QazAqparat qala ákimdigine silteme jasap.
«Búgin qala kóshelerin qardan tazartý jumystaryna 1 362 tehnıka birligi men 1 657 jol jumysshysy jumyldyryldy. 10 aqpanǵa qaraǵan túni 1 289 tehnıka birligi men 142 jumysshy tartylyp, 21 350 tekshe metr qar shyǵaryldy (1780 reıs). Qys bastalǵaly beri polıgonǵa barlyǵy 276 478 reıs jasalyp, 3 352 872 tekshe metr qar tógildi», - delingen vedomstvo aqparatynda.
