Elordada 140-tan astam medıtsına qyzmetkeri KVI-ǵa qarsy vaktsına saldyrdy
NUR-SULTAN. QazAqparat - Nur-Sultanda 145 medıtsına qyzmetkeri koronavırýs ınfektsııasyna qarsy vaktsına saldyrdy, dep habarlaıdy QazAqparat qalalyq Qoǵamdyq densaýlyq saqtaý basqarmasyna silteme jasap.
Birinshi kezeńde elordalyq statsıonarlardyń, qalanyń ınfektsııalyq ortalyǵynyń medıtsına qyzmetkerleri, jedel járdem brıgadasynyń feldsherleri ekpe aldy.
Kóshpeli brıgadanyń feldsheri vaktsınalaý týraly pikir bildirip, kóńil-kúıiniń qandaı ekenin aıtty.
«Vaktsınadan keıin jaǵymsyz áser bolǵan joq. ıAǵnı bas aınalyp, júrek aıný degen bolǵan joq. Kóńil-kúıim jaqsy. Ózime tanys emes adamdarmen tyǵyz jumys isteımin, naýqastarǵa jıi baramyn, sol sebepti vaktsına saldyrý kerek degen baılamǵa keldim», - dedi feldsher Ersultan Úsenuly.
Al №9 qalalyq emhanasynyń fıltr-kabınetiniń dárigeri Qaınar Farhaduly oıyn bylaısha jetkizdi:
«Kúnine JRVI men sýyqtyń belgileri bar 250-ge jýyq adam keledi. Biraq test júrgizbeı turyp, bári koronavırýs ınfektsııasymen aýyrmaıdy dep senimmen aıta almaımyn. Vaktsınatsııa - aldymen meniń qorǵanysym. Qazir vaktsınadan keıin jaǵdaıym jaqsy», - deıdi fıltr kabınetiniń dárigeri.
Elordada barlyǵy 6 300 medıtsına qyzmetkeri KVI ınfektsııasyna qarsy egiledi. Aıta ketý kerek, tizimder mamandardyń erikti kelisimi boıynsha jasalady.
Esterińizge sala keteıik, vaktsınatsııa 2 kezeń boıynsha júrgiziledi, aldymen birinshi komponent 0,5 ml dozada, ary qaraı ekinshi komponent te dál osylaı - 0,5 ml dozada (21-42 kúnnen keıin). 21 kúnnen keıin vaktsına qabyldaǵandar ekinshi kezeńin alý úshin taǵy da sol ornyna shaqyrylady.
