Elordada 14 jastaǵy jasóspirim joǵaldy
NUR-SULTAN. QazAqparat - Elordada 14 jastaǵy Abylaı Baqytbek joǵalyp ketti, dep habarlaıdy QazAqparat tilshisi.
«Barynsha taratyńyzdarshy. Sizdiń taratqan aqparatyńyz adamdy taýyp, bireýdiń ómirin qutqaryp qalýǵa septigin tıgizýi múmkin. Eger qandaı da bir málimetterińiz bolsa, onda kórsetilgen telefon nómirlerine qońyraý shalýlaryńyzdy ótinemiz. Sonymen qatar siz izdeý is-sharalaryna, aqparatty taratýǵa qatysa alasyzdar», - dep ótinedi jasóspirimdi izdeýge kirisken volonterler.
Abylaı búgin tańerteń joǵalyp ketti. Boıy - 150-165 sm. Ústine qara kók kúrteshe, qara tústi tolstovka, butyna qara tústi trıko, aıaǵyna qara kók báteńke kıgen.
Joǵalǵan jasópirimge qatysty kez kelgen aqparatty biletin qala turǵyndary 8 702 759 9447 nemese 102 nómirine habarlasa alady.
Aıta keterligi, osy jaıtqa baılanysty polıtsııa ázirshe eshqandaı málimet taratqan joq.
