Elordada 14 ret urlyq jasaǵan azamat ustaldy
ASTANA. 10 qarasha. QazAqparat - Astana qalalyq Іshki ister departamentiniń «Saryarqa» aýdandyq izdestirý bóliminiń qyzmetkerleri arnaıy jedel-saýyqtyrý sharasynyń barysynda 1981 jyly týylǵan elorda turǵynyn urlyq ústinde ustady.
Qalalyq Іshki ister departamenti tartqan málimetterge qaraǵanda, ustalǵan azamatty tekserý barysynda onyń bir emes, birneshe qylmys jasaǵandyǵy anyqtaldy. Naqtyraq aıtqanda, ustalǵan azamatqa elordada 14 ret urlyq jasady degen kúdik keltirilip otyr. Ol óziniń áreketterin tereze áınegin syndyrý jáne plastıkten jasalǵan terezeniń jıekterin buzý arqyly júzege asyryp júrgen. Keı jaǵdaıda ol tipti páterdiń esiginiń qulpyn buzyp ta kirgen. Qundy zattardy alyp ketý úshin uryǵa nebári 5-10 mınýt jetkilikti bolǵan. Ury negizinen ózi túsken páterlerden áshekeılik buıymdar men aqsha, noýtbýk, televızor jáne ózge de tehnıkalardy alyp ketip otyrǵan. Tártip saqshylary ustalǵan azamattyń ózge de qylmystarǵa qatystylyǵyn tekserýde.
