Elordada 14 oıyn-saýyq orny karantın talaptaryn buzdy

NUR-SULTAN. QazAqparat - Elordada bıyl 40 myńnan astam oqýshy orny ashylady, dep habarlaıdy QazAqparat qala ákimdigine silteme jasap.

Elordanyń monıtorıng toptary kásipkerlik nysandarynyń karantındi saqtamaýyn anyqtaý jáne jolyn kesý jumysyn jalǵastyrýda. Kún saıyn olar 100-den astam mekemeni tekseredi. Olardyń on shaqtysy shekteý sharasyn saqtamaǵany anyqtalady. Tártip buzýshylar tizimine maska taǵý rejımi, áleýmettik qashyqty, jumys tártibi saqtalmaıtyn qoǵamdyq tamaqtaný nysandary jıi iligedi.

Ótken juma kúni 6 tamyzda karantın rejımin buzǵany úshin 14 kásipkerlik nysany ákimshilik jaýapkershilikke tartyldy.

Esil aýdanynda belgilengen ýaqyttan keıin «ShashlykoFF» grıl bary, «Chechil pub», «Totem» barlary, «Velluta» meıramhanasy, «Baoli» laýndj bary kelýshilerdi qabyldaǵan.

Saryarqa aýdanynda «Maman» meıramhanasy, «Global cofee» kofehanasy, «Pınta» jáne «Astana Rock Cafe» barlary tıisti talaptardy saqtamaǵan.

Almaty aýdanynda ornalasqan «Beles» meıramhanasynda, «Ýzbekskıı dvor 8», «Kısh Mısh», «Loto klýb» kafelerinde jumys tártibi saqtalǵan joq.

Al Baıqońyr aýdanyndaǵy «Barrus» túngi klýby karantın ik shekteýin elemeı, jumys istedi.

Tártip buzýshylarǵa qatysty jınalǵan materıaldar tıisti shara qoldaný úshin sanıtarlyq-epıdemıologııalyq baqylaý salasyndaǵy ýákiletti organǵa berildi.

Aıta ketý kerek, elorda epıdemıologııalyq ahýaldy baǵalaý boıynsha bes aıdan beri «qyzyl» aımaqta tur.