Elordada 14 avtobýs marshrýtyn ózgertti

ASTANA. KAZINFORM — City Transportation Systems kompanııasy jóndeý jumysyna baılanysty birneshe avtobýstyń baǵdaryna ózgeris engenin eske saldy.

Vedomstvo málimetinshe, jol jóndeý jumystary aıaqtalǵanǵa deıin № 10, 37, 40, 49, 51, 53, 60, 302, 303, 308, 309, 201, 320, 323 baǵdarlarynyń qozǵalys syzbasy ýaqytsha ózgergen.

Aýysqan qozǵalys syzbasymen myna siltemeden qarap tanys bola alasyzdar. 

«Saparlaryńyzdy aldyn ala josparlaýdy suraımyz» dep eskertedi City Transportation Systems baspasóz qyzmetinen.

Sońǵy kúnderi jol jóndeýge baılanysty Astanada avtobýs marshrýttary jıi ózgeretin bolǵan. 

Qalada uzyn-sonar keptelis bolyp, keı dańǵyldarda kólikterge avtobýs jolaǵymen júrýge ruqsat berildi. 

Osyǵan oraı Kólik vıtse-mınıstri Maqsat Qalıaqparov keptelis bar jerde damý bar ekenin eske saldy.