Elordada 130 jetkinshek jas sarbaz atandy

NUR-SULTAN. QazAqparat - «Jas sarbaz» balalar stýdııasynyń 130 tárbıelenýshisi «Jas sarbaz» áskerı-patrıottyq qozǵalysy» respýblıkalyq qoǵamdyq birlestiginiń qataryna resmı túrde qabyldandy, dep habarlaıdy Qorǵanys mınıstrliginiń baspasóz qyzmeti.

Saltanatty sharada «Jas sarbaz» balalar stýdııasynyń 130 tárbıelenýshisi kópshilik aldynda Qazaqstan Respýblıkasynyń Ata zańy men basqa da zańdaryn qatań saqtaýǵa, patrıottyq rýhty bıik qoıyp, Otandy qorǵaýǵa, onyń múddesin bárinen bıik qoıatynyn aıtyp, sóz berdi.

Shákirtterge QR Qarýly Kúshteri Bas shtaby bastyǵynyń orynbasary, general-maıor Muhamedjan Talasov «Jas sarbaz» uıymy tárbıelenýshisiniń kýáligin tabys etip, jas sarbazdarǵa tolaǵaı tabys pen oqýda sáttilik tiledi.

«Bizdiń Otanymyz – Qazaqstan Respýblıkasynyń laıyqty azamattary jáne patrıottary bolyńyzdar. Elbasy aıtqandaı, «Óz Otanyndy súıip, qadir-qasıetin eshqashan túsirme, Qazaqstandy óz júregińde maqtanyshpen alyp júrińder» – dep Muhamedjan Qadyrjanuly shákirtterdi quttyqtady.

Búgingi kúni elimizde áskerı-patrıottyq baǵyttaǵy osyndaı 6 198 synyp pen klýb jumys isteýde. Oǵan 179 224 tárbıelenýshi múshe. Ant qabyldaý rásimi jastarǵa áskerı-patrıottyq tárbıe berýde jan-jaqty damytýǵa, jobalardy iske asyrýǵa, áskerı-patrıottyq is-sharalarǵa qatysýǵa baǵyttalǵan yntymaqtastyqty ornatýǵa arnalady. Іs-sharanyń maqsaty - óskeleń urpaqqa áskerı-patrıottyq tárbıe berý, olardyń boıynda Otanǵa degen súıispenshilik sezimin oıatý.

Shara «Jas sarbaz» balalar stýdııasynyń tárbıelenýshileri daıyndaǵan kontserttik baǵdarlamaǵa ulasty.