Elordada 13 kóliktiń órtenýi: Polıtsııa qylmystyq is qozǵady
NUR-SULTAN. QazAqparat – Elordadaǵy avtojýý beketinde 13 kóliktiń órtený faktisine qatysty polıtsııa qylmystyq is qozǵady, dep habarlaıdy QazAqparat tilshisi.
Eske sala ketsek, oqys oqıǵa búgin, ıaǵnı 7 qańtar saǵat 08:52-de Nur-Sultan qalasy Esenberlın kóshesi, 26/1 mekenjaıynda ornalasqan avtokólik jýý ornynda tirkelgen. Onyń ishinde kólik janyp jatqany týraly kelip túsken shaqyrýǵa Nur-Sultan qalasynyń TJD Órt sóndirý bólimshelerinen 9 tehnıka men jeke quramnan 15 adam jumyldyrylǵan. «Órt sóndirýshiler saǵat 08:59 shamasynda kelgen boıda «Batyr» kólik jýý ornynyń eki qabatty ǵımaratynda kólikter janyp jatqany anyqtaldy. Aldyn ala boljam boıynsha, 13 jeńil avtokólikke zaqym kelgen.
Qalalyq polıtsııa departamenti osy iske qatysty tergep-tekserý isin júrgizip jatyr.
«Osy fakt boıynsha Qazaqstan Respýblıkasy QK-niń 292-baby boıynsha qylmystyq is (Órt qaýipsizdigi talaptaryn buzý) qozǵaldy. Qajetti saraptamalar taǵaıyndaldy», - dep habarlaıdy qalalyq polıtsııa departamentinen.
