Elordada 124 myń júrgizýshige jalpy somasy jarty mıllıard teńgeniń aıppuly salynǵan - Jol polıtsııasy
ASTANA. Tamyzdyń 2-si. QazAqparat /Jasulan Amanbaıuly/ - 2010 jyly elordada 124 myń júrgizýshige jalpy somasy 567 mıllıon teńgeniń aıppuly salynǵan,
dep habarlaıdy QazAqparat Astana qalasynyń Jol polıtsııasy basqarmasynyń baspasóz qyzmetine silteme jasap.
Qazirgi ýaqytta memleket kirisine 441 mln. teńgeden asa qarjy tólengen. Degenmen, aıyppuldardy der ýaqytynda ótemegen júrgizýshilerdiń sany da artyp otyr. Zań boıynsha, salynǵan aıyppuldy júrgizýshi 30 kún ishinde jabýy tıis. Olaı bolmaǵan jaǵdaıda, sot júrgizýshiden aıyppuldy onyń yqtııarynsyz shara qoldanýǵa, aıyppul somasy tólenbeıinshe onyń múligine arest qoıýǵa quqyly.
Jalpy jyl basynan beri Jol polıtsııasynan Sot ákimshiligine jalpy somasy 16 mln. teńgeden asatyn osyndaı 3500 qaýly túsken. Onyń 1800-i, shamamen 5,5 mln. teńgesi tólettirildi. Aıyppuldardy ýaqytynda ótemeı júrgen qalǵan júrgizýshilerden qaryzdaryn tólettirý maqsatynda Sot ákimshiligi jáne Jol polıtsııasynyń qyzmetkerleri reıd júrgizdi.
Shara qala kireberisindegi «Qyzyljar» beketinde jáne júrgizýshilerdiń turǵylyqty jeri boıynsha ótkizildi.
Jol erejesin buzýshylarǵa aıyppuldardy erte me,kesh pe tóleýlerine týra keledi. Durysy - jol erejelerin buzbaý.
