Elordada 12 jasar qyz 3 synyptan keıin sabaqqa barmasa, Mońǵolııadan kelgen oralmannyń 2 balasy tipti mektep tabaldyryǵyn attamaǵan
ASTANA. 26 qazan. QazAqparat - Kámeletke tolmaǵandardyń quqyǵy men zańdy múddesin qamtamasyz etý, sondaı-aq ata-analardyń balalaryn tárbıeleýdegi jaýapkershiligin joǵarylatý maqsatynda elorda aýmaǵynda «Erekshe peıildi otbasy» keń kólemdi aktsııasy ótti,
dep habarlady Astana qalalyq ІІD baspasóz qyzmetinen.
Aktsııa barysynda Astana qalalyq ІІD kámeletke tolmaǵandar isi jónindegi bólim ınspektorlary uzaq ýaqyt boıy esh sebepsiz jalpy bilim beretin oqý oryndaryna qatyspaıtyn balalar men jasóspirimderdiń ata-analaryn anyqtady.
Máselen, Astana qalasy Saryarqa aýdany aýmaǵynda polıtsııa ınspektorlary 2008 jyldan bastap 3-synyptan keıin mektepte oqymaǵan qyz balanyń ata-analaryn anyqtaldy. Sonymen qatar Monǵolııadan kelip, 6 jyl boıy elordada turatyn otbasynyń 8 jáne 9 jastaǵy balalary orta bilim alý úshin mektepke ornalastyrylmaǵan.
Elorda saqshylary balalardy mektepke ornalastyryp, ári qaraı baqylaý úshin «esh sebepsiz jalpy bilim beretin oqý oryndarynda oqymaıtyn kámeletke tolmaǵandar» sanaty boıynsha tizimge engizdi.
Kámeletke tolmaǵandar isi jónindegi ınspektorlar esh sebepsiz mektepke barmaıtyn balalary bar otbasylardy anyqtaý boıynsha jumystardy jalǵastyrýda.
Sonymen qatar aktsııa barysynda múddeli memlekettik organdar ókilderimen birlesip, otbasy ınstıtýtyn joǵarylatýǵa baǵyttalǵan jalpy bilim beretin mektepterde oqýshylar úshin, mekemeler men uıymdarda ata-analar úshin áńgimeler, ata-analar jınalysy, dárister men dóńgelek ústelder ótkizildi.
