Elordada 12 jasar balanyń telefonyn alyp qashyp ketken jigit ustaldy
NUR-SULTAN. QazAqparat – Elorda polıtsııasyna 12 jasar balanyń ata-anasy shaǵymdandy. Bul týraly QazAqparat Nur-Sultan qalasynyń Polıtsııa departamentiniń baspasóz qyzmetine silteme jasap habarlaıdy.
Tergeý barysynda tártip saqshylary Botanıkalyq saıabaq aýdanynda balanyń qasyna er adam kelip, bireýmen habarlasamyn dep, onyń telefonyn surap alǵanyn anyqtady. Beıtanys adamnan qorqyp qalǵan bala oǵan óziniń uıaly telefonyn bergen. Er adam telefondy alǵan boıda qashyp ketken.
Jedel-tergeý sharalaryn júrgizý kezinde elordanyń buryn sottalǵan 23 jastaǵy turǵyny ustaldy. Ol óz kinásin moıyndady. Urlanǵan «IPhone 6» markaly telefon alyndy. Atalǵan faktimen QR Qylmystyq kodeksiniń 191-babymen sot aldyndaǵy tergeý amaldary júrgizilip jatyr.
