Elordada 12 jasar bala sýǵa ketti
NUR-SULTAN. QazAqparat – Elordalyq polıtseıler Tótenshe jaǵdaılar departamentiniń ókilderimen birlesip, jabdyqtalmaǵan oryndarda adamdardyń sýǵa túsý, ishimdik ishý faktilerin anyqtaý maqsatynda reıdter júrgizýde, dep habarlaıdy QazAqparat Nur-Sultan qalalyq Polıtsııa deparatmentiniń baspasóz qyzmetine silteme jasap.
Sonymen qatar, balyqshylar men demalýshylar arasynda aldyn alý jumystary júrgizilýde. Polıtsııa qyzmetkerleri atap ótkendeı, Esildiń jaǵasynda jasóspirimder eresektersiz jıi shomylady.
«Bıylǵy jyldyń 30 shildesinde saǵat 18:55-te polıtsııaǵa B.Momyshuly dańǵylyndaǵy Arqar kópiriniń astyndaǵy ózennen 12 jastaǵy balanyń máıiti tabylǵany týraly habarlama kelip tústi. Saǵat 16:00 shamasynda eki bala úıden serýendeýge ketip, keıin sýǵa túsýdi sheshken. 12 jasar bala sýǵa sekirip, birden bata bastaǵan. Kámeletke tolmaǵan ekinshi bala ony qutqarý úshin sýǵa sekirgen. Biraq áreketinen eshteńe shyqpaǵan», - dedi PD-dan.
Astanada jyl basynan beri belgilenbegen oryndarda sýǵa túsýdiń 325 faktisi anyqtalǵan.
