Elordada 12-shi qabattan sekirmek bolǵan jigit qutqaryldy
NUR-SULTAN. QazAqparat – Elorda polıtseıleri turǵyn úıdiń 12-shi qabatynan sekirmek bolǵan jigitti qutqaryp qaldy, dep habarlaıdy QazAqparat.
«102» pýltine Tilendıev kóshesi boıyndaǵy turǵyn úıdiń 12-shi qabatynan er adam sekirýge áreket jasaǵandyǵy týraly kýágerlerden habar kelip tústi. Oqıǵa ornyna jedel túrde polıtsııa qyzmetkerleri bardy», - delingen Polisia.kz málimetinde.
Polıtsııa atalǵan turǵyn úıge jetken kezde jas jigit balkon qorshaýynyń ústine shyǵyp alǵany anyqtaldy. Patrýldik polıtsııa polki vzvodynyń komandıri Ádiljan Musylmanbekov joǵary qabyttan sekirýge talpynǵan jigittiń nazaryn ózine aýdaryp, qolaıly sátte ony balkonnyń ishine qaraı tartyp aldy.
Medıtsınalyq kýálandyrý nátıjesinde 26 jastaǵy jigit alkogoldik ishimdikke masaıǵany anyqtaldy. Otbasylyq janjaldan keıin 12-shi qabattan sekirmek bolǵan. Ol polıtsııanyń aýdandyq bólimine jetkizilip, ol jerge psıhologtar shaqyrtyldy.
