Elordada 12 qazan kúni múmkindigi shekteýli azamattarǵa arnalǵan bos oryndar jármeńkesi ótedi

ASTANA. QazAqparat - Astanada 12 qazanda múmkindigi shekteýli azamattarǵa arnalǵan bos oryndar jármeńkesi ótedi, dep habarlaıdy elorda ákimdiginiń medıa ortalyǵy.

Astana qalasy ákimdigi men Halyqty jumyspen qamtý ortalyǵynyń uıymdastyrýymen 12 qazanda elordanyń «Jastar» saraıynda (Respýblıka dańǵyly 34) múmkindigi shekteýli azamattarǵa arnalǵan bos oryndar jármeńkesi ótedi.

Jármeńkege «Bıotehnologııa ulttyq ortalyǵy», Ulttyq mýzeı, № 1 emhana, «Elara-Astana» JShS, «Kazdorproekt» JShS, «Aprel 2030» JShS sııaqty 40-qa tarta elordalyq jumys berýshi qatysady dep kútilýde. Onda kishi ǵylymı qyzmetker, zerthanashy, meıirbıke, júrgizýshi-ekspedıtor, kúzetshi, óner men mádenıet mamany sekildi 250 bos jumys orny usynylmaq.

Shara saǵat 10:00-de bastalyp, 13:00-de aıatalady, - delingen taratylǵan habarlamada.