Elordada 12 qańtarda sabaqtar toqtatylmaıdy
ASTANA. QazAqparat - Búgin Astanadaǵy mektepterde sabaqtar ótkiziledi. Bul týraly QazAqparat qalalyq bilim basqarmasyna silteme jasap habarlaıdy.
«Qurmetti ata-analar! Búgin, 12 qańtar kúni sabaqtar toqtatylmaı ýaqytymen júretin bolady. Kazgıdromet derekteri boıynsha aýa-raıy -13 gradýs, jeldiń ekpini 5m/s», - delingen aqparattyq habarlamada.
Eske sala ketsek, 11 qańtarda Astanada qatty boran soǵyp, soǵan baılanysty qalada tótenshe jaǵdaı jarııalandy.
Al, mektepterde birinshi jáne ekinshi aýysymda sabaq bolmaıtyndyǵy habarlandy.
Sondaı-aq, elorda ákimi sabaqtyń bolmaıtyny jaıynda qaıdan bilýge bolatynyn aıtyp berdi.
