Elordada 114 mas júrgizýshi ustaldy
NUR-SULTAN. QazAqparat - Elordada «Qaýipsiz jol» jedel aldyn alý is-sharasy bastalǵannan beri mas kúıinde 114 júrgizýshi ustaldy, dep habarlaıdy QazAqparat Polisia.kz saıtyna silteme jasap.
Elorda aýmaǵynda 19 shildeden bastap «Qaýipsiz jol» respýblıkalyq jedel aldyn alý is-sharasy ótýde. Іs-shara bastalǵannan beri 16,5 myńnan astam jol qozǵalysy erejelerin buzý faktisi tirkeldi, onyń ishinde mas kúıinde 114 júrgizýshi ustaldy, kólik quralyn basqarý quqyǵy joq 312 júrgizýshi jáne avtokólikti basqarý quqyǵynan aıyrylǵan 20 júrgizýshi anyqtaldy.
Sonymen qatar, jol qozǵalysy erejelerin buzǵany úshin 3 315 jaıaý júrginshi jaýapkershilikke tartyldy.
Polıtsııa qyzmetkerleri túngi ýaqytta Qabanbaı batyr dańǵylynda kezekti mas háldegi júrgizýshini ustady. Mercedes Benz-tiń 31 jastaǵy júrgizýshisi kólikti masań kúıde basqarǵan. Medıtsınalyq kýálandyrý nátıjeleri boıynsha júrgizýshiniń ortasha aýyrlyqta mas bolǵany belgili boldy. Júrgizýshige qatysty masań kúıde kólik quralyn júrgizgeni úshin ÁQBtK 608-babynyń 1-bóligi boıynsha ákimshilik is qozǵaldy. Júrgizýshi qamaýǵa alynyp, avtokólik kommýnaldyq turaqqa qoıyldy.
Aıta ketý kerek, atalǵan quqyq buzýshylyq úshin baptyń sanktsııasy on bes táýlikke ákimshilik qamaýǵa jáne jeti jyl merzimge kólik quralyn basqarý quqyǵynan aıyrýǵa ákep soǵady.
Foto: polisia.kz
