Elordada 11 mamyrdan bastap aqyly turaqtar jumys isteı bastaıdy
NUR-SULTAN. QazAqparat – Elordada 11 mamyrdan bastap aqyly turaqtar jumys isteı bastaıdy. Qazaqstan Respýblıkasy Prezıdentiniń tótenshe jaǵdaı engizý týraly Jarlyǵyna baılanysty Nur-Sultan qalasyndaǵy aqyly turaq úshin tólem 20 naýryzdan 11 mamyrǵa deıin toqtatylǵan edi, dep habarlaıdy QazAqparat.
Turaqtarda parkomattardy antıseptıkalyq suıyqtyqtarmen óńdeý únemi júrgiziledi. Parkomat arqyly monetalarmen turaq tóleý kezinde medıtsınalyq qolǵaptardy paıdalaný usynylady.
Nurjol býlvarynda kólik turaǵy úshin tólem engizý boıynsha pılottyq joba oń nátıje kórsetti: osy aýdanda kólik qozǵalysy jaqsardy, kólik turaǵy erejelerin buzý sany azaıdy, kólik oryndarynyń aınalymdylyǵy artty, avtomobıl turaǵynyń ortasha ýaqyty qysqardy. Joba bastalǵannan beri qala joldaryndaǵy jaǵdaıdy jaqsartýǵa alyp keletin turaq aımaqtaryn uıymdastyrý boıynsha úlken jumystar atqaryldy. Eger buryn avtomobıl turaǵynyń ortasha ýaqyty 4 saǵatty qurasa, búginde ol 40 mınýttan aspaıdy. Buzýshylyqtar sanynyń kórsetkishi 63%-ǵa tómendedi.
Aqyly turaqtardyń jumys tártibi: jumys kúnderi tańǵy saǵat 8.00-den keshki 20.00-ge deıin. Demalys jáne mereke kúnderi avtoturaqtar tegin. Aqyly turaq quny - saǵatyna 100 teńge. Aqsha turaq sessııasy bastalǵanǵa deıin aldyn ala tólem boıynsha engiziledi. Turaq bastalǵan sátten bastap 30 mınýt ishinde turaq aqysyn tóleý qajet. Tólemder men aıyppuldardan túsken aqsha qarajaty jol-kólik ınfraqurylymyn damytý jónindegi qalalyq baǵdarlamalardy qarjylandyrý úshin qala bıýdjetine túsedi.
Qazirgi ýaqytta Nurjol býlvarynda 487 turaq orny paıdalanýǵa berildi. Árbir turaq qaltasynda barlyq qajetti aqparat kórsetilgen aqparattyq qalqan ornatylǵan. Qalqannyń joǵarǵy jaǵynda turaq aımaǵynyń nómiri ornalasqan, osy nómir arqyly júıe turaq ornyn salystyrady. Nómir barlyq turaq qaltasy úshin biryńǵaı bolyp tabylady jáne turaq úshin aqy tóleý kezinde kórsetiledi. Aqyly turaqtardy ornatý jáne ashý boıynsha josparly jumys júrgizýshilerge de, jaıaý júrginshilerge de yńǵaıly bolýǵa kómektesedi.
«Esil» jáne «Saryarqa» aýdandarynda taǵy 3 381 turaq orny iske qosylýǵa daıyn. Aqyly avtoturaq aımaqtary Bógenbaı batyr, Saryarqa, Respýblıka dańǵyldarynyń jáne Esil ózeniniń jaǵasynda paıda bolady. Bul alańdaǵy turaq qaltalary jumys isteýge qajetti qural-jabdyqtarmen jabdyqtalǵan, jol belgileri, aqparattyq taqtalar men turaq eseptegishteri ornatylǵan. «Esil» aýdanynda Saraıshyq, Syǵanaq kósheleriniń, Turan jáne Máńgilik El dańǵyldarynyń sharshy alańynda turaq aımaqtary ornalasqan. Avtoturaq aımaqtaryn paıdalanýǵa berý aktileri Nur-sultan qalalyq kólik basqarmasyna jiberildi.
Joǵaryda atalǵan aýdandardaǵy turaq aımaqtary testilik rejımde jumys istep turǵan kezde, aıyppuldar qoıylmaıdy. Test kezeńi júrgizýshilerdi jańa ınfraqurylym jumysynyń prıntsıpterimen tanystyrýǵa arnalǵan. Elorda turǵyndary aqyly turaqtardyń ornalasqan jeri týraly aldyn ala bilip, túrli tólem ádisterin paıdalanyp, astanapark.kz saıtynda jeke kabınet quryp, «Parkovkı Astany» mobıldi qosymshasyn júktep ala alady.
