Elordada 11 emhana tegin medıtsınalyq kómek kórsetedi
ASTANA. QazAqparat - Astanada qala turǵyndaryna sapaly medıtsınalyq kómek kórsetýdi jetildirý maqsatynda keshendi jumystar júrgizilip jatyr. Astana qalasy Densaýlyq saqtaý basqarmasynyń málimeti boıynsha, búgingi kúni aralas tıpti 11 emhanada alǵashqy medıtsınalyq sanıtarlyq kómek tegin kórsetiledi, dep habarlady astana.kz.
Sondaı-aq, jeke menshikti 5 medıtsınalyq uıym da («Salaýatty Astana» JShS, «Medıtsınalyq ortalyq», «Kırovskaıa» SDA, «Ortalyq jol aýrýhanasy» jáne «Medıker» JShS) tegin medıtsınalyq qyzmet kórsetedi.
Balalar men jastar arasynda salaýatty ómir saltyn qalyptastyrýǵa da zor kóńil bólinedi. 18 jasqa deıingi balalar tirkelgen jeri boıynsha alǵashqy medıtsınalyq sanıtarlyq kómek kórsetý uıymdary men qalalyq balalar statsıonarlarynda josparly jáne shuǵyl medıtsınalyq kómekke qol jetkize alady. Ambýlatorııalyq kezeńde: - balalarǵa bekitilgen aýrýlar tizimine sáıkes ekpe jasaý; - 0-18 jas aralyǵyndaǵy balalardy aldyn ala tekserý; - balalardyń estý qabiletiniń týma jáne urpaqtan urpaqqa beriletin aýytqýshylyqtaryn erte anyqtaý úshin, sonymen qatar balalarda V jáne S gepatıtin erte anyqtaýǵa skrınıng, neonataldi skrınıng tegin júrgiziledi. Balalar men ata-analar №2 qalalyq balalar aýrýhanasy men №2 qalalyq emhanada medıtsınalyq keńester alyp, dıagnostıka jasata alady. Sondaı-aq, kelesi respýblıkalyq medıtsınalyq uıymdardyń kómegine júginýge bolady: «ABUǴO» AQ, «RBOO» AQ, «Neırohırýrgııa ortalyǵy» AQ, «TOǴZI» AQ. Balalarǵa kadıohırýrgııalyq kómek «UǴMO» AQ jáne «Kardıohırýrgııa ortalyǵynda» kórsetiledi. Balalarǵa joǵary mamandandyrylǵan kómek kórsetý bólingen kvotalar boıynsha júzege asyrylady.
