Elordada 11 dárihana ıesi jazalandy
Qalalyq prokýratýra, polıtsııa departamenti, memlekettik kirister basqarmasy, ekonomıkalyq tergeý, farmatsevtıkalyq baqylaý qyzmetkerlerinen turatyn mobıldi top astanada kún saıyn dári-dármekti alyp satý faktilerine qarsy jumys júrgizýde.
Naqtyraq aıtqanda top músheleri I-teka qosymshasyn qoldana otyryp, áleýmettik jelilerdi (Instagram, Facebook, telegramma, WhatsApp jáne t.b.) taldap, dári-dármek baǵasyn qadaǵalap otyrady.
2020 jyldyń 17 shildesindegi jaǵdaı boıynsha dári-dármekti qymbat satatyn, sondaı-aq Qazaqstan Respýblıkasynda tirkelmegen dári-dármekterdi joǵary baǵamen satqan 30 dárihana anyqtalǵan.
«Materıaldardy qaraı otyryp, 11 zań buzýshyǵa (dárihana ıeleri) QR ÁQBK 426-baby 1-bóligi (Farmatsevtıkalyq qyzmettiń jáne dárilik zattar men medıtsınalyq buıymdardyń aınalysy salasynyń qaǵıdalaryn buzý) 180 570 teńge aıyppul salyndy. Atap aıtqanda «Laım Farm» jeke kásipkerligi, «Asılbaeva D.A.» jeke kásipkerligi, «Ańsar-Farm» JShS, «Medi Lab Smartpharma» JShS, «Baıazıtova J.K.» jeke kásipkerligi, «Abdılbaeva A.T.» jeke kásipkerligi, «Mamaeva A.K.» jeke kásipkerligi, «Sýleımenova A.J.» jeke kásipkerligi, «Bazıkova men ıÝK» JShS, «Farm-Bıznes Astana» JShS, «Bermahanova K.Sh.» jeke kásipkerligi basshylary jazalandy», - dep habarlaıdy Nur-Sultan qalalyq prokýratýrasynan.
Eger atalǵan dárihana ıeleri bul zańbuzýshylyqty qaıtalasa olardyń farmatsevtıka salasyndaǵy lıtsenzııasy alty aıǵa toqtatylady. Sonymen qatar qazirgi ýaqytta 19 dárihana boıynsha materıaldar jınaqtalýda.
Eki fakt boıynsha is sottyń qaraýynda jatyr.