Elordada 108 uıym Ashyq kóshbasshysy tizimine engizildi

NUR-SULTAN. QazAqparat – Qala ákimdigi «Ashyq kóshbasshylarynyń» tizimin jarııalady. Eki aptalyq statýs uıymdar úshin qosymsha jeńildik beredi, dep habarlaıdy QazAqparat qala ákimdigine silteme jasap.

Kóshbasshylar tizimine áýejaı, vokzaldardan bastap saýda núktelerine deıin 108 uıym kirdi.

Aıta keteıik, «Ashyq kóshbasshysy» statýsyn beriletin tizimdi ákimdik jasaqtaıdy. Olar jobaǵa qatysatyn nysandarda (2 aptalyq kezeńde) QR kod (check-in) arqyly kelýshilerdi tirkeý sany boıynsha málimetterge sáıkes irikteledi.

«Ashyq kóshbasshysy» mártebesin alǵan jobaǵa qatysýshy «qyzyl» aımaqta «sary» aımaqtyń, «sary» aımaqta «jasyl» aımaqtyń sharttary boıynsha jumys isteı alady, «jasyl» jáne «qoıý qyzyl» aımaqtardaǵy jobaǵa qatysýshylardyń jumys rejımi qosymsha 2 saǵatqa uzartylady, sondaı-aq nysannyń toltyrylýy 10%-ǵa artady. Egerde medıtsınalyq qarsy kórsetilimi bar jáne sońǵy 3 aı kóleminde aýyryp, jazylǵan adamdardy qospaǵanda qyzmetkerlerdiń keminde 90%-y vaktsınanyń birinshi komponentin alsa, nysannyń toltyrylýy 20%-ǵa artady.

Búgingi tańda Ashyq jobasyna 10 myńǵa jýyq kásipkerlik sýbektisi kirdi.
Esterińizge sala keteıik, jobaǵa qatysýshylar barlyq sanıtarlyq normalardy saqtaýy tıis. Egerde kemshilik anyqtalsa olar tizimnen shyǵarylady.