Elordada 103 qyzmetine túsetin qońyraý 4 ese artyp ketti
NUR-SULTAN. QazAqparat - Elordada 103 qyzmetine qońyraý shalýshylar 4 ese artyp ketti. Bul týraly Nur-Sultan qalasynyń qalalyq jedel medıtsınalyq járdem stansasynyń dırektory Murat Orazbaev aıtty, dep habarlaıdy QazAqparat tilshisi.
«Búgingi tańda 103 qyzmetiniń júktemesi artty. Maýsym aıynan bastap qońyraýlar sany 4 ese ósti. Kúnine Nur-Sultan qalasynyń turǵyndarynan 4 myńnan astam qońyraý túsedi. Shaqyrtýlar sany 2 ese ósti. ıAǵnı, kúnine shamamen shyǵý brıgadasy 5 myńǵa jýyq qala turǵynyna medıtsınalyq kómek kórsetedi. Bul úlken júkteme», - dedi ol.
Onyń atap ótýinshe, 103 qyzmetine júktemeniń artýyn baılanysty 103 pýltiniń sany arttyrylyp, Nur-Sultan qalasy turǵyndaryna 70-51-03 nómiri boıynsha call-ortalyq uıymdastyrylǵan. Qala turǵyndary osy nómirge qońyraý shalý arqyly koronavırýs ınfektsııasymen baılanysty barlyq saýaldaryna jaýap ala alady.
Sonymen qatar, stansa dırektory elorda turǵyndary tarapynan jedel medıtsınalyq járdem kóliginiń shaqyrtýlarǵa óte kesh keletindigine qatysty shaǵymdaryna jaýap berdi.
«Keshigip barǵan shaqyrtýlardyń da bar ekendigin jasyrmaımyn. Paıyzdyq úlesi 5 paıyzǵa deıingi aralyqty quraıdy. Bul ruqsat etilgen shek. Árbir elordalyq jedel kómek ózine tez arada kelgenin qalaıtyndyǵyn túsinemin. Osy rette árbir shaqyrtý jedel medıtsınalyq kómek dıspetcheri deńgeıinde 4 sanatqa bólinetindigin jáne ár sanattyń ýaqyt jáne kelý reglamenti bar ekendigin atap ótkim keledi», - dedi Murat Orazbaev.
