Elordada 100-ge jýyq tamaqtaný oryndary tekserildi
NUR-SULTAN. QazAqparat - Elordada turmystyq ballondardy qaýipsiz paıdalaný talaptaryn saqtaý jónindegi vedomstvoaralyq jumys toby óz jumysyn jalǵastyrýda. Bul týraly QazAqparat ákimdikke silteme jasap habarlaıdy.
Búginge deıin sarapshylar 100 qoǵamdyq tamaqtaný obektilerinde nusqaýlyq ótkizdi. Baıqońyr aýdanynda 39 qoǵamdyq tamaqtaný obektide, 11 AGQS, 5 baraq úlgisindegi úı; Esil aýdanynda – 10 qoǵamdyq tamaqtaný obektide, Saryarqa aýdanynda – 30 qoǵamdyq tamaqtaný obektide, Almaty aýdanynda – 20 qoǵamdyq tamaqtaný obekti men 2 jataqhanada profılaktıkalyq túsindirýler júrgizildi.
Aldyn alý sharalary úshin BAQ-pen birge áleýmettik ınfraqurylym obektilerinde gaz ballondaryn paıdalaný boıynsha túsinikteme berildi.
Sondaı-aq, onlaın rejımde kásipkerlik nysandarymen semınar ótkizildi.
«Sonymen qatar, azamattar buzýshylyq faktisin jáne kásipkerlik sýbektisiniń (obektisiniń) ataýyn kórsete otyryp, jazbasha ótinish bergen jaǵdaıda, ákimshilik sharalardy qoldana otyryp, Qazaqstan Respýblıkasynyń Kásipkerlik kodeksine sáıkes tekserý sharalary uıymdastyrylady», - dep atap ótti Turǵyn úı ınspektsııasynda.
Eske sala keteıik, elorda ákimi Altaı Kólginovtiń tapsyrmasy boıynsha jumys toby quryldy. Oǵan TJD, ІІM, turǵyn úı ınspektsııasy, ákimdik, ónerkásip qaýipsizdik departamentiniń ókilderi kirdi. Olar qoǵamdyq tamaqtaný oryndarynda órt qaýipsizdiginiń saqtalýyn tekseredi.
Osy baǵyt boıynsha jumys turaqty negizde júrgiziledi.
