Elordada 100-den astam tehnıka kóshelerdi jańbyr sýynan tazartýda
NUR-SULTAN. QazAqparat – Nur-Sultanda jańbyrdan keıin kóshelerdi sýdan tazartýmen 100-den astam arnaıy mashına (assenızatorlyq mashınalar men motopompalar) aınalysýda.
Qala ákimdiginen málim etkendeı, jalpy 3370 tekshe metr sý sorylyp, 18 myń tekshe metr sý tazartý qurylǵylary arqyly ótti.
«Aıta ketý kerek, bıyl jazda B.Momyshuly dańǵylyndaǵy sý basý máselesi sheshiledi. Munda jaýyn-shashyn kanalızatsııasynyń magıstraldy kollektorynyń qurylysy bastaldy. Nóser káriziniń uzyndyǵy — 500 metr (Daýylpaz kóshesinen Elim-aı kóshesine deıin, B. Momyshuly dańǵyly arqyly ótedi). Qozǵalys shekteldi. Qurylys jumystary bıyl jazda aıaqtalady. Ýchaskeni sý basý máselesi tolyq sheshiledi», - dedi ákimdikten.
Sonymen birge «Jastar» shaǵynaýdanynda (Táshenov jáne Aman kósheleriniń qıylysy) tazartý qurylǵylaryn tóseý jumystary júrgizilýde. Atalmysh shaǵynaýdandaǵy jańa qurylǵylardyń qýaty táýligine 42 myń tekshe metrden asady.
«Bul, jaýyn-shashyn kanalızatsııasynyń ótkizý qabiletin aıtarlyqtaı jaqsartýǵa múmkindik beredi. Tazartý qurylǵylary Táshenov, Baraev, Ýálıhanov, Imanbaev jáne Respýblıka dańǵyldaryn jaýyn sýynan qorǵaıtyn bolady. Tazartý qurylǵylary jer astynda ornalasqandyqtan, qurylǵy ústindegi aýmaqta abattandyrý jumystaryn júrgizý, shaǵyn sáýlet nysandaryn ornatý qarastyrylǵan. Qurylys jumystaryn 2021 jyly aıaqtaý josparlanyp otyr», - dedi elorda ákimdiginen.
Atap ótilgendeı, 2019 jyly Myńjyldyq alleıasy aýmaǵynda eki ýchaskede jaýyn sýynyń jınalmaý túıitkili sheshildi.
