Elordada 100-den asa naýqasqa MÁMS arqyly tegin ota jasaldy
Elordadaǵy №1 kópsalaly qalalyq aýrýhananyń dárigerleri túrli jaraqat pen syrqattan keıin rekonstrýktsııalyq ota jasaýdy qajet etken 100-den asa naýqastyń ómir súrý jaǵdaıyn qalpyna keltirdi. Patsıentterge bul kúrdeli de qymbat otalar – joǵary mamandandyrylǵan rekonstrýktsııalyq kómek MÁMS júıesi boıynsha tegin jasalady, dep habarlaıdy Kazinform Astana qalasy ákimdiginiń resmı saıtyna silteme jasap.
Rekonstrýktsııalyq plastıkalyq hırýrgııa jaı ǵana plastıkalyq hırýrgııa emes. Hırýrgııanyń bul salasy jaraqattardyń, kúıikterdiń, týa bitken jáne júre paıda bolǵan aqaýlardyń saldaryn qalpyna keltirýmen aınalysady. Rekonstrýktsııalyq hırýrgııanyń maqsaty – eń aldymen dene músheleriniń qyzmetin, sondaı-aq estetıkalyq kórinisin qalpyna keltirý.
«Rekonstrýktsııalyq hırýrgııadaǵy árbir derlik jaǵdaı jan-jaqty daıyndyqty jáne uzaq ýaqyt qalpyna keltirýdi qajet etedi. Bizdiń patsıentterimizdiń jaǵdaıynda kóbine hırýrgııalyq aralasýdyń birneshe satysyn qajet etedi. Eń bastysy, bul otalardy patsıentterge tegin MÁMS aıasynda jasaýǵa múmkindigimiz bar, áıtpese, oılap qarańyz, tek bir naýqasqa sapaly ómir saltyna oralý úshin shamamen 8-9 qymbat ota qajet bolýy múmkin», - deıdi Astana qalasyndaǵy №1 kópsalaly qalalyq aýrýhananyń joǵary sanatty plastıkalyq hırýrgy Nurlybek Bekbaýov.
Osyndaı naýqastardyń biri Erjan elektrık bolyp jumys isteıdi, ol jumys kezinde elektr toǵynan jaraqattanǵan. Hırýrgtiń aıtýynsha, bastapqyda eki qoldy da kesý týraly sóz bolǵan. Biraq dárigerler qoldyń ústińgi bóligi men saýsaqtaryn aman alyp qalǵan, bári ornynda. Úsh ret qalpyna keltirý kezeńinen ótkennen keıin eki qolymen de burynǵydaı jumys isteı alatyn boldy.
«MÁMS júıesiniń arqasynda men barlyq medıtsınalyq qyzmetti tegin aldym. Otadan keıin qoldarym áldeqaıda jaqsy qozǵala bastady, qolymdy erkin ashyp-juma alamyn. Terisi de jumsardy. Qalpyna keltirý boıynsha dáriger aıtqan barlyq usynymdardy oryndaımyn»,– dedi patsıent.
Dárigerdiń aıtýynsha, kóp azamattar el ishinde MÁMS júıesinde tegin emdelý múmkindigin bile bermeıdi, sheteldik emhanalardy tańdaıdy nemese múlde emdelmeı júre beredi. Qazirgi ýaqytta portal arqyly 24 túrli patologııany emdeýge bolady. Olar: qabaqtyń jumysyn buzatyn aqaýlar, kúıik pen úsik shalýdyń saldary, bas súıeginiń, bettiń súıekteriniń aqaýlary, t.b.
Elordada mundaı rekonstrýktsııalyq otalar sany jyl sanap artyp keledi. Máselen, 2023 jyly MÁMS júıesi boıynsha bir ǵana №1 qalalyq aýrýhanada 100-den astam naýqasqa rekonstrýktsııalyq ota jasaldy. Ótken jyldary ortasha eseppen 70-80 adam emdelgen.
