Elordada 10 jyldan beri alǵash ret sportshylarǵa tólenetin tólemaqy kóbeıdi
NUR-SULTAN. QazAqparat - Nur-Sultan qalasynyń ákimi Altaı Kólginov qalada sport ınfraqurylymyn damytý úshin qandaı sharalar atqarylyp jatqanyn aıtyp berdi, dep habarlaıdy QazAqparat.
«Sport ınfraqurylymyn damytýdyń nátıjesinde qala turǵyndary sport pen salaýatty ómir súrýge beı̆imdeledi. Keı̆ingi kezde túrli indettiń paı̆da bolýy erte jastan bastap densaýlyqqa jáne ımmýnıtetti nyǵaı̆týdyń asa mańyzdy ekenin kórsetti. Prezıdenttiń tapsyrmasyna sáı̆kes buqaralyq sportty damytý, jastar men men kásibı sportshylardy qoldaý men odan ári yntalandyrý úshin júı̆eli sharalar qabyldandy. Onyń ishinde paralımpıadalyq sport túrlerine qoldaý kórsetý nazardan tys qalǵan joq. Búgin qaladaǵy balalar men jasóspirimder sport mektepteriniń dırektorlarymen ózekti máselelerdi talqyladyq» dep jazady shahar basshysy óziniń Instagram paraqshasynda.
Ákimniń aıtýynsha, buqaralyq sportty damytý maqsatynda tıisti mekemelerge birqatar tapsyrmalar berilgen.
«Birinshi. Jańa oqý jylynyń basynan bastap, joǵary bilim alýǵa ákimdik granttaryn bólýdi tapsyrdym (sport baǵyty boı̆ynsha). Bul oqýshylardy yntalandyryp qana qoı̆maı̆, olardyń osy baǵytta kásibı bilim alýyna múmkindik beredi.
Ekinshi. Sporttaǵy ár jetistik jyldar boı̆ǵy daı̆yndyq jumystary men úlken erik-jigerdiń arqasynda keledi. Stýdentterdiń densaýlyǵyn arnaı̆y mamandar, dárigerler jiti baqylap, ýaqtyly kómektesýi kerek. Shtatqa sport dárigerlerin oqytatyn mamandandyrylǵan mektepterdi engizý máselesin zertteı̆miz.
Úshinshi. Sport mektepterine sport mekemeleri men keshenderinde sabaqtar ótkizýge, arnaı̆y jattyǵý kıimin satyp alýǵa, jarys pen jattyǵý kezinde stýdentterdi tasymaldaýǵa jáne basqa máseleler boı̆ynsha qoldaý kórsetýdi jalǵastyramyz.
Tórtinshi. Osy jyldyń qazan aı̆ynan bastap aı̆ saı̆ynǵy materıaldyq tólemaqynyń mólsheri ulǵaı̆dy. Sońǵy 10 jyl ózgerissiz qalǵan eken. QR qurama komandalarynyń quramyna kiretin jáne qurama sapynda óner kórsetetin sportshylarǵa, sondaı̆-aq olardyń jattyqtyrýshylaryna tólenetin eńbekaqy kólemin ulǵaı̆tý asa mańyzdy.
Sportpen aı̆nalysýy úshin qosymsha yntalandyrý. Eger buryn ulttyq quramaǵa kirgen 84 sportshy ǵana aı̆ saı̆ynǵy tólemdi alsa, endi olardyń sany eki eseden astam ósti.
Besinshi. Bıyl birqatar sport mekemeleri jóndeldi. Úsh eldi mekende iri dene shynyqtyrý-saýyqtyrý keshenderiniń qurylysy júrip jatyr. Kelesi jyly taǵy bireýiniń qurylysy bastalmaq. Onda turǵyndar túrli sport túrlerimen tegin aı̆nalysyp, bos ýaqytyn ótkize alady» delingen jazbada.
