Elordada 10 nysan karantınge jabylǵan
NUR-SULTAN. QazAqparat - Elordada karantınge jabylǵan 23 nysannyń 13-i ashyldy, dep habarlaıdy QazAqparat tilshisi.
Bul týraly elordanyń Qoǵamdyq densaýlyq saqtaý basqarmasynyń basshysy Sáýle Qısyqova aıtyp berdi.
«Tutas epıdemııalyq kezeńde elordada 23 nysan karantınge jabyldy. Bul nysandarda epıdemııaǵa qarsy barlyq shekteý sharalary júrgizildi. Qazirgi ýaqytta karantın rejıminde 10 nysan qaldy», - dep atap ótti basqarma basshysy «Habar 24» telearnasyndaǵy brıfıngte.
Onyń aıtýynsha, aýrýdyń 267 oshaǵynda dezınfektsııalyq sharalar júrgizilgen. Bul - naýqastar turǵan úıler men jumys oryndary.
Nur-Sultan qalasy boıynsha jalpy 17 414 jaǵdaıǵa zerthanalyq tekserý jumystary júrgizildi.
Buǵan deıin basqarma basshysy Nur-Sultanda koronavırýs ınfektsııasynan qaıtys bolǵan adam týraly aıtyp bergen edi.
Qazirgi ýaqytta Elordada juqtyrǵandar sany 264 adamǵa jetti. Sońǵy eki kúnde - 12-13 sáýir kúnderi 29 jaǵdaı tirkeldi.
9-13 sáýir aralyǵynda Nur-Sultan qalasynda 4 766 adamǵa ekspress testileý júrgizilip, 61 adam aýrýhanaǵa jatqyzylǵan.
foto: ugra-news.ru