Elordada 1 tamyz ben 30 qyrkúıek aralyǵynda «Mektepke jol» atty dástúrli shara ótedi

Bul týraly búgin baspasóz máslıhaty barysynda Astana qalalyq bilim basqarmasynyń bastyǵy Ásıma Bımendına aıtty.

Onyń atap ótýinshe, atalǵan aktsııa oqýmen qamtylmaǵan balalardy anyqtaý, az qamtamasyz etilgen, kóp balaly otbasynan shyqqan oqýshylarǵa, jetim balalarǵa, sonymen qatar ata-analarynyń qamqorlyǵynsyz qalǵan balalarǵa qoldaý kórsetý jáne áleýmettik sebeptermen 1 qyrkúıekte mektepke balalardyń kelmeýiniń aldyn alý maqsatynda uıymdastyrylady.

«Mektepke jol» aktsııasy Memleket basshysynyń mektep oqýshylaryn oqýmen tolyq qamtý týraly tapsyrmasyn oryndaý maqsatynda osymen 4 -shi jyl ótkizilýde. Aǵymdaǵy jyly shara 1 tamyz ben 30 qyrkúıek aralyǵynda ótedi», - dedi ol.

Shara aıasynda qamqorlyq aktsııasyn ótkizý, mektep kıimi men oqý quraldary jármeńkesin uıymdastyrý, oqýmen qamtylmaǵan balalardy anyqtaý, jańa oqý jylyna daıyndalýda kómekke muqtaj balalarǵa kómektesý josparlanýda.

«Mundaı atsııalar jaqsy nátıje beredi. Máselen, 2010-2011 oqý jylynda oqý oryndarynyń pedagogıkalyq ujymy quqyq qorǵaý organdarynyń mamandarymen birlesip, 2412 reıdtik is-shara ótkizdi. Ótkizilgen ártúrli is-sharanyń arqasynda 4074 bala 26 mln. 776 myń teńge kóleminde kómek aldy. Onyń ishinde 17 mln. teńgeden astam qarjy bıýdjetten, 9,5 mln-ǵa jýyq qarjy metsenattar men demeýshiler tarapynan bólindi», - dedi Á.Bımendına.