Elordada 1 synypta 36 baladan bilim alýǵa májbúr
ASTANA. QazAqparat – Elordada 1 synypta 36 baladan bilim alýǵa májbúr. Bul týraly Astana qalalyq bilim basqarmasynyń basshysy Qasymhan Senǵazıev aıtty, dep habarlaıdy QazAqparat tilshisi.
Elordada ótip jatqan Bilim salasy qyzmetkerleriniń respýblıkalyq tamyz keńesi aıasynda BAQ ókilderi Qasymhan Senǵazıevten: «Bıyl áleýmettik jelide Astanadaǵy mektepterde bir synypta 52 bala otyrýy múmkin degen aqparat tarady. Qazir ortasha eseppen qaladaǵy mektepterde bir synyp qansha bala otyrady?», - dep suraǵan edi.
«Astanadaǵy mektepterde oryn tapshylyǵy máselesiniń ózekti ekeni belgili. Qazirgi tańda qalada 26 myń oqýshyǵa oryn jetpeıdi. 8 mektep 3 aýysymda oqıdy. 18 mektepte oqýshylar shamadan tys bilim alady. Bir synypta 52 bala oqıdy degen derek joq. Elordadaǵy mektepterde bir synypta 30-34 baladan, al úsh aýysymdy mektepterde 35-36 baladan bilim alady», - dep jaýap berdi basqarma basshysy.
