Elordada 1 maýsymda mektep jasyna deıingi balalardy oqytý bastalady
ASTANA. QazAqparat - 1 maýsymnan bastap elordada «Baldyrǵandar mektebi» óz jumysyn bastaıdy. Onyń basty maqsaty - mektep jasyna deıingi balalardy mekteptegi oqýǵa daıyndaý.
Astana qalasy Bilim basqarmasynyń habarlaýynsha, mundaı mektepter balalardyń oqýǵa degen yntasyn arttyrýǵa baǵyttalyp, qalanyń barlyq mektepterinde qurylady. Osyndaı sabaqtar balalardyń mekteptegi sabaq jaǵdaıyna qıyndyqsyz beıimdelýine kómektesedi.
«Baldyrǵandar mektebi» dúısenbiden jumaǵa deıin jumys isteıdi. Sabaqtyń uzaqtyǵy 25-30 mınýt. Toptaǵy balalar sany 15-20. Sabaqtar 10 kúnge jalǵasady.
«Baldyrǵandar mektebinde» bastaýysh synyp muǵalimderinen basqa mamandar: psıholog jáne logoped qyzmet atqarady. Olar psıhologııalyq jáne logopedtik dıagonostıka arqyly ár oqýshynyń mektepke daıyndyq deńgeıin anyqtaıdy. Dıagnostıka nátıjeleri boıynsha ata-analar men muǵalimder úshin jeke usynystar jasalady, dep habarlaıdy astana.kz.
