Elordada 1 maýsym kúni Astana Half Marathon kezinde keıbir kósheler jabylady
ASTANA. KAZINFORM – Elordada 1 maýsym – Halyqaralyq balalardy qorǵaý kúni tórtinshi ret Astana Half Marathon ótedi. Bul týraly Astana ákimdiginiń baspasóz qyzmeti habarlady.
Bıyl jarysqa 30-dan astam elden 8 000 adam qatysady. Jartylaı marafon kezinde qalanyń birqatar kóshesinde kólik qozǵalysyna shekteý qoıylady.
Júgirý baǵyty Táýelsizdik alańynan bastalyp, «Arqar» jáne Syǵanaq-Máńgilik El kópirleri arqyly ótedi.
Qatysýshylar «Akorda», Esil jaǵalaýy, «Báıterek», Abu Dhabi Plaza jáne EXPO nysandarynyń janynan júgirip ótedi.
Kólik qozǵalysyna qoıylǵan shekteýler kezeń-kezeńimen alynyp, saǵat 10:00–de tolyq qalpyna keltiriledi.
Kólik qozǵalysy 31 mamyr kúni 06:00–den 1 maýsym 11:00–ge deıin myna baǵyttarda kezeń kezeńimen shekteledi: Táýelsizdik dańǵyly J.Nájimedenov kóshesinen A. Baıtursynuly kóshesine deıin;
06:50-08:30: Saraıshyq kóshesi R.Qoshqarbaev dańǵylynan Aqmeshit kóshesine deıin;
07:00-07:50: D.Qonaev kóshesi Aqmeshit kóshesinen Qazaq radıosy kóshesine deıin;
07:00-07:50: Qazaq radıosy kóshesi, D.Qonaev kóshesinen Dostyq kóshesine deıin;
07:00-07:50: Dostyq kóshesi Qazaq radıosy kóshesinen Aqmeshit kóshesine deıin;
07:00-08:50: Aqmeshit kóshesi Saraıshyq kóshesinen Kereı-Jánibek handar kóshesine deıin;
07:00-08:50: Aqmeshit kóshesi Buqar jyraý kóshesinen Túrkistan kóshesine deıin (EXPO aýmaǵy boıynsha);
07:40-09:25: Túrkistan kóshesi Aqmeshit kóshesinen Kereı-Jánibek handar kóshesine deıin;
07:45-09:40: Túrkistan kóshesi Kereı-Jánibek handar kóshesinen Syǵanaq kóshesine deıin;
07:50-09:45: Syǵanaq kóshesi Túrkistannan I.Panfılov kóshesine deıin;
08:00-09:55: I.Panfılov kóshesi Sh.Qaldaıaqov kóshesinen Táýelsizdik dańǵylyna deıin;
08:20-09:50: J.Nájimedenov kóshesi, Sh.Qaldaıaqov kóshesinen Táýelsizdik dańǵylyna deıin;
08:00-09:55: Táýelsizdik dańǵyly, I.Panfılov kóshesinen J.Nájimedenov kóshesine deıin.
Avtokólikpen start alańyna jetý úshin usynylǵan baǵyttar: Táýelsizdik dańǵyly arqyly R. Qoshqarbaev dańǵylyna deıin; «Nurly jol» temirjol vokzaly jaǵynan J.Nájimedenov kóshesimen; Ál-Farabı dańǵyly arqyly I. Panfılov kóshesine deıin.
Joldarda keptelis bolýy múmkin, sondyqtan qatysýshylarǵa Táýelsizdik alańyna avtobýspen kelý usynylady jaqyn mańdaǵy aıaldamalarǵa deıin.
— Táýelsizdik alańyndaǵy start qalashyǵy mańynda kólik turaǵy bolmaıdy. Júrgizýshiler men jaıaý júrginshiler jolda ózgeristerdi eskere otyryp, baǵyttaryn aldyn ala josparlaýy qajet, — delingen habarlamada.
Aıta ketelik Astanada Turan dańǵyly jóndeý jumysyna baılanysty ýaqytsha jabyldy.