Elordada 1 keliden astam gashısh tárkilendi

NUR-SULTAN. QazAqparat – Elordanyń polıtsııa qyzmetkeri iri kólemde esirtki saqtaǵan kúdiktini qolǵa túsirdi. Bul jaıynda Nur-Sultan qalalyq polıtsııa departamentinen málim etti, dep habarlaıdy QazAqparat tilshisi.

«Elordanyń polıtsııa qyzmetkerleri kelip túsken aqparatqa oraı jedel izdestirý is-sharasyn ótkizip, Potanın kóshesi boıynda esirtki saqtaǵan kúdiktini ustady. Buǵan deıin de sotty bolǵan astananyń 37 jastaǵy turǵynyn tintý barsynda salmaǵy 1 keliden asatyn gashısh tárkilendi. Esirtki zaty satýǵa daıyn kúıde býyp-túıilgen. Sonymen qatar ustalǵan kúdiktiden qoldan jasalǵan pyshaq alyndy», - dep atap ótedi departamentten.

Vedomstvo málimetinshe, atalǵan fakti boıynsha QR QK 296-baby 4-bóligimen sotqa deıingi tergeý amaldary bastaldy. Esirtkini jetkizý arnasyn anyqtaý is-sharalary júrgizilip jatyr.

Aıta keteıik, jyl basynan elorda aýmaǵynda zańsyz aınalymnan 53 keli túrli esirtki zaty alyndy. Onyń ishinde 20 keli «gashısh» jáne 30 keli sıntetıkalyq esirtki bar.