Elordada 1,5 myńnan astam volonter temirjolshy qar tazalaýǵa shyqty
«20-21 aqpanda «Qazaqstan temir joly» kompanııasynyń qyzmetkerleri «Lesozavod» turǵyn úı alabynyń, «Agroqalashyq» móltek aýdanynyń jáne Qyrqynshy stansanyń kóshelerinen 500-den astam ret júk kóligi toly qar shyǵardy. Qara tazalaýǵa 50 arnaıy tehnıka tartyldy. Shamamen 6 shaqyrym jol, júzdegen aýla, №29 orta mektebiniń aýlasy qardan tazartyldy», delingen habarlamada.
Temirjolshylar «QTJ 2020 Qaıyrymdy isi» chellendjin aıasynda qaıyrymdylyq jasaýdy jalǵastyryp keledi.
Ulttyq kompanııanyń enshiles uıymdary – «QTJ – Júk tasymaly» AQ, «Jolaýshylar tasymaly» AQ, «KTZ Express» AQ jáne ózge de qurylymdyq bólimsheniń basshylary bastaǵan qyzmetkerler kósheniń muzyn oıyp, qaryn tazalady.
«Bir aı boıy Nur-Sultan qalasynda eki aılyq normadaǵy qar jaýdy. Kóptegen adamdardyń aýlasyn qardan tazartýǵa múmkindigi joq. Biz budan syrt qala almadyq. Jumys kestesiniń bos emes, sonda da jaqsy is úshin árqashanda ýaqyt tabylady», - dedi «QTJ» UK» AQ – «Magıstarldyq jeli dırektsııasy» fılıalynyń dırektory Baýyrjan Orynbasarov.
«QTJ 2020 Qaıyrymdy isi» baǵdarlamasy sheńberinde qar tazalaý boıynsha chellendj elimizdiń kóptegen qalalarynda jalǵasty.
