Elordada 1-4 qańtar aralyǵynda barlyq avtobýs baǵdary qatynaıdy
NUR-SULTAN. QazAqparat - 1-4 qańtar aralyǵynda elordada qoǵamdyq kólikter jumysyn toqtatpaıdy. Bul týraly City Transportation Systems kompanııasynan málim etti, dep habarlaıdy QazAqparat tilshisi.
«1, 2, 3, 4 qańtarda qalada jáne qala mańyna qatynaıtyn barlyq baǵdarlar (ekspress-baǵdarlardan basqalary) saǵ. 23:00-ge deıin júredi.
Alaıda sanıtarlyq normalardy saqtaýyńyzdy suraımyz. Avtobýsqa betperdesiz kirýge bolmaıdy. Jol aqysy qolma-qol aqshasyz tólenedi», delingen habarlamada,
Kompanııanyń málimetinshe, profılaktıkalyq jumysqa baılanysty ekinshi deńgeıli bankter, Qiwi, Kaspi, Wooppay, PolyArt qosymshalar arqyly teńgerimdi toltyrý, tarıfterdi satyp alý 30 jeltoqsan saǵat 23:00-den 1 qańtar saǵat 1:00 aralyǵynda qoljetimsiz bolady.
«Kólik kartasyn RTVM avtomaty arqyly tolyqtyrýǵa nemese jol júrý aqysyn SMS jáne QR kómegimen tóleýge bolady», delingen habarlamada.
