Elordada 1-11 synyptyń mektep baǵdarlamasy boıynsha beınesabaqtar jazylýda
ASTANA. QazAqparat - Elordada 1-11 synyptyń mektep baǵdarlamasy boıynsha beınesabaqtar jazylýda. Bul týraly búgin elorda bilim qyzmetkerleriniń tamyz keńesinde Astana qalasynyń ákimi Áset Isekeshev málim etti.
«Qazirgi ýaqytta bizdiń úzdik ustazdardyń beınerolıkterin jazyp jatyrmyz. Bul oqýshylarǵa úı jaǵdaıynda sabaq úlgerimin jaqsartýǵa múmkindik beredi. Sondyqtan biz jyldyń sońyna deıin 1-11 synyptyń barlyq sabaqtaryn jazýdy josparlaýdamyz. Dáristi eń úzdik oqytýshylar oqıtyn bolady», - dedi qala ákimi.
Joba Online school Astana dep atalady. Beınesabaqqa jazbasha konspektiler, mátinder, jattyǵýlar, ınfografıkalar qosa berý josparlanǵan.
