Elordada 1,1 myń kólik aıyp turaǵyna qoıylǵan
NUR-SULTAN. QazAqparat - Elorda polıtsııasy saǵat 20:00-den keıin kólik qozǵalysyn júz paıyz tekseredi. Al búgingi tańda qalada 1 125 kólik aıyp turaǵyna qoıylǵan, dep habarlaıdy QazAqparat qalasy ákimdigine silteme jasap.
20 sáýirden bastap keıbir kásiporyndardyń jumysyn jalǵastyrýǵa ruqsat berilgendikten, kóshedegi kólik qozǵalysy 10 paıyzǵa artty. Qalalyq jedel shtab sheshimimen óz jumysyn qaıta bastaıtyn kásiporyndar sany kóbeıdi. Bul tizimdi avtokólikterge tehnıkalyq qyzmet kórsetý, výlkanızatsııa, avtosalon sııaqty jumys oryndary tolyqtyrdy. Jumys jaǵdaıynda avtokólik salonynda tek júrgizýshi ǵana bolýy kerek. Sondaı-aq agrotehnıkalyq salada da jumys isteýge ruqsat etilgen. Degenmen ár uıym óz qyzmetkerleriniń jumysqa kelýi men keri qaıtýyn uıymdastyrýǵa mindetti. Polıtsııa kóbine jeke tulǵalardyń jeńil kóligin toqtatady. Uıymdardyń jumys ýaqyty 18:00-de aıaqtalady.
Kúndiz «Sergek» beınebaqylaýynyń taldaý nátıjesi boıynsha, trafıktiń tolyq baqylaýy qajet bolǵan jaǵdaıda mobıldi post ornatylady. Saǵat 20:00-den keıin mobıldi posta kólik qozǵalysy 100% tekseristen ótedi. Búgingi tańda 1 125 kólik aıyppul turaǵyna qoıyldy. Saǵat 22:30-ǵa deıin tek azyq-túlik satyp alýmen aınalysatyn kólikter ǵana júredi. Al, saǵat 23.00-den keıin dezınfektsııa jumystary úshin kólik qozǵalysyn 5%-ǵa deıin tómendetý josparlanǵan.
Tótenshe jaǵdaı men karantın rejımin qasaqana buzǵan jaǵdaıda quqyq buzýshylarǵa zańǵa sáıkes naqty sharalar qabyldanady.
«Qurmetti qala turǵyndary, azamattardyń qaýipsizdigin qamtamasyz etý úshin karantın talaptaryn qatań saqtaýdy talap etemiz. Qabyldanǵan sharalarǵa túsinistik tanytyp, polıtsııa qyzmetkerleriniń zańdy talaptaryn saqtap, ınfektsııanyń aldyn alýǵa kómektesýlerińizdi suraımyz. Bul sharalardyń barlyǵy sizdiń jáne jaqyndaryńyzdyń densaýlyǵy úshin qabyldanyp jatyr», - deıdi polıtsııa qyzmetkerleri.
