Elimizdiń qaı óńirinde oqýshylar qashyqtan oqıdy
ASTANA. KAZINFORM — Qazaqstanda jel kúsheıip, boran soǵyp tur. Osyǵan baılanysty birneshe oblysta jáne qalada oqýshylardy onlaın formatqa aýystyrý týraly sheshim qabyldandy.
Astana qalasynda
2026 jylǵy 11 aqpan kúni aýa raıynyń qolaısyzdyǵyna (jeldiń kúsheıýi jáne kóktaıǵaq) baılanysty birinshi aýysymnyń 0-6 synyp oqýshylary qashyqtan oqytý formatyna aýystyrylady.
Aqtóbe oblysy
2026 jylǵy 11 aqpanda aýa raıynyń qolaısyzdyǵyna baılanysty oblystaǵy barlyq mektepterde birinshi jáne ekinshi aýysymdaǵy 1–11 synyp oqýshylarynyń sabaqtary onlaın formatta ótedi.
Pavlodar oblysy
Aýa raıynyń qolaısyzdyǵyna (kóktaıǵaq) baılanysty 2026 jylǵy 11 aqpanda Pavlodar oblysynda І aýysymdaǵy 1–11 synyp oqýshylary, sondaı-aq kolledjderdiń 1–2-kýrs stýdentteri qashyqtan oqytý formatyna aýystyrylady.
Shyǵys Qazaqstan oblysy
Kúrshim aýdany boıynsha 11 aqpan kúni aýa temperatýrasynyń qolaısyzdyǵyna baılanysty (jyldamdyǵy 25-30 m/s deıin qatty jel, boran) mektepterdegi 1-shi jáne 2-shi aýysymdaǵy oqýshylar qashyqtyqtan oqytýǵa aýystyrylady:
0-11 synyptar: «Qaratoǵaı OM» KMM, «Alǵabas OM»,«Maraldy OM»
0-9 synyptar «Aqshı BM, «Aqsýat NOM» KMM, «Jolnusqaý NOM» KMM, «Monekeı NOM» KMM, «Qystaý Kúrshim NOM» KMM.
Rıdder qalasy boıynsha 11 aqpan kúni aýa raıynyń qolaısyzdyǵyna baılanysty (kóktaıǵaq, qatty jel, qarly jaýyn ) barlyq mektepte 1 aýysymnyń 0–9 synyp oqýshylary qashyqtyqtan oqytý formatyna aýystyryldy.
Ulan aýdany boıynsha 11 aqpan 2026 jyly kóktaıǵaq, qarly jaýyn, burqasyn jel bolýyna baılanysty 0-9 synyptary eki aýysymda da qashyqtan oqytýǵa kóshiriledi.
Qostanaı oblysy
Arqalyq qalasynda aýa temperatýrasy −16 °C, jeldiń jyldamdyǵy 10 m/s-qa deıin jáne boran bolýyna baılanysty birinshi aýysymdaǵy 1–11 synyp oqýshylary qashyqtan oqytý formatyna kóshirildi.
Amangeldi aýdanynda boran jáne jeldiń jyldamdyǵy 10 m/s-qa deıin kúsheıýine baılanysty birinshi aýysymdaǵy 0–9 synyp oqýshylary da qashyqtan oqytýǵa kóshirildi.
Jangeldın aýdanynda aýa temperatýrasy −19 °C, jeldiń jyldamdyǵy 7 m/s bolýyna baılanysty birinshi aýysymdaǵy 0–6 synyp oqýshylary qashyqtan oqıtyn bolady.
Osydan buryn keshe Astanada ekinshi aýysymnyń 0-9 synyp oqýshylary onlaın oqıtyny aıtyldy.
Sonymen qatar aýa raıynyń buzylýyna baılanysty taǵy eki oblysta jol jabyldy.